Fragmentos extraidos da Enciclopedia Galega (Ed. do ano 2107).

A carreira espacial galega iniciouse no ano 2007 co proxecto do satélite de comunicacións galego, a proposta da Fundación Galega para a Sociedade do Coñecemento, […] e poucos anos despois, unha vez despregada a rede de satélites […] xa estaba madura unha tecnoloxía propia de lanzamento, grazas á experiencia da factoría de foguetes de Fene (situada nuns antigos estaleiros navais destrúidos na tráxica explosión dunha planta regasificadora cercana) e […] alí a pesares do veto da Unión Euroasiática que prohibía fabricar transbordadores espaciais militares, eran deseñados e montados foguetes da clase Pegaso que posteriormente operaba a empresa Monbús no cosmódromo de Punta Arnela […]

Foi así coma no ano 2035 Galicia ingresou no consorcio de países que participaban na Estación Espacial Internacional (ISS), coa ensamblaxe do primeiro módulo galego […]

O domingo á mañá fun á rapa das bestas de Pena Toxosa, na serra da Capelada (Cedeira).

Despois de que os acurradores conducisen a un cento de bestas bravas monte abaixo, os aloitadores procederon a rapalas e marcalas con crotais.

A última hora da mañá tivo lugar a loita de garañóns. Uns cabalos fisioculturistas competindo por unha femia. A loita é mais ben estética, orientada a obter a espectacular foto dos cabalos rampantes e enfrontados que será portada nos xornais. Pero tamén hai algúns lóstregos de violencia e crueldade, trabadas e couces furiosos.

• Máis fotos da rapa das bestas de Pena Toxosa 2007
• Fotos da rapa do 2006

Aproveito para transmitirlle os meus parabéns a vostede e a Vicki Vale.

¡Arredediós que quieren meternos esos barcos por el culo! ¡pues no los queremos!

A miña nai, referíndose aos gaseiros que poñen en peligro aos habitantes da ría de Ferrol. O sentimento de rechazo a Reganosa en Ferrolterra é maioritario, pero a manipulación dos medios e a desvergoña dos políticos fan que no resto de Galicia sexa percibido como unha rabieta de catro mariscadores.